Ka Inuwai

Maika‘i ka makani o Kohala
‘Ike ‘ia ē ka Inuwai
‘O ka wai nō ia pono kāua
Wai kaulana o ka ‘āina

Hui:
Kō aloha, kō aloha ka‘u mea nui
He makana, he makana na ka pu‘uwai

Nani wale Niuli‘i kāhela i ka la‘i
‘Ekolu ‘ōpua i hiki mai
ālai ‘ia mai e ka ulu hala
Nalowale ka luna o Hāpu‘u

‘Elua māua i ka holo o ka lio
Kāohi ‘ia maila i Pololū
Mea ‘ole ka pi‘ina a‘o Kupehau
Ahuwale nā lehua o ‘āwini

Ha‘aheo ka hau i ka mauna
Kāhiko i ka ‘ohu o ka nahele
Kāohi mai nei Lilinoe
I ka ‘ohu noe i ke kuahiwi

Nē hone ka leo o ka wai
Hone ana i ka ‘iwa
Ku‘u ‘iwa, ku‘u lei kāhiko ia
Nā pua lehua o ‘āwini

Source: Song Contest 2016 program