- Performed at Song Contest 2008
- Directed by Nadia Leʻi
- Composed by Kaumakaiwa Lopaka Kanakaʻole, Kamakoa Lindsey-Asing, and Kīhei Nahale-a
- Arranged by Aaron J. Salā
- Scored 185/204 points
- Performed 4th of 4 songs
E ho‘i ka hali‘a i ko Hāna ē
Ka ‘āina ho‘i ia i ke alo o ka lā
E nonoho ana i ka uluwehiwehi
Wehiwa ho‘i ‘oe a Pi‘ilani
A luna au o Kaihuokalā
Pualalea ke ‘ikena i Ka‘uiki
He nani ‘i‘o nō ke alo o ka mauna
Ho‘oheno ana me ke kai o Kaihālulu
Pā a‘e ka Moa‘e, aia i Kapueokahi
E kaunu ana me ka wai o Kawaipapa
Hea mai ka ua hone ‘o Laniha‘aha‘a
Inu a kena ‘ia a‘o uka
‘O nā nalu malina ‘o Maka‘alae
I ho‘ohei aku i o‘u mea lā
Me ke ‘ala mākuma o ka ‘ehu kai
E ka‘i mai ana ma ke Kāomi
He aloha, he hali‘a, he ‘ano‘i lā
No ka pōlani i puni nei ‘āina
Eia ke aloha a mau loa
No Hāna i ke ‘ala o ka ‘ehu kai
Source: Song Contest 2008 program
Something doesn't look right? Any missing info to share? Get in touch