Roselani Blossoms

‘Auhea wale ana ‘oe
E ka liko pua lokelani
He lani nui ‘oe na‘u
No nā kau a kau

Kau nui aku ka mana‘o
I ka wai a‘o ‘Īao
Ua inu au a kena
I ka ‘ono a‘o ia wai

Eia i ka pu‘uwai
Ka ‘i‘ini no ka ipo li‘a
‘O ka li‘a ‘oe a loko
Honehone i ku‘u manawa

Ua like nō a like
Ka ‘ano‘i a ke aloha
Ke aloha i hi‘ipoi ‘ia
I apo pūlama ‘ia

Hā‘ina mai ka puana
‘O Maui nō e ka ‘oi
Ka liko pua lokelani
Ku‘u lei ‘ala onaona

Source: Song Contest 2009 program