Honesakala

Ho‘oheno kēia no ka honesakala
Ke ‘ala mua ho‘i a‘u i honi ai
Ua ho‘opa‘a ‘ia ma ko‘u pu‘uwai
Me kahi pōkē a kāua i kui ai

Hui:
Li‘a au i ka ‘ono o ka wai o ia pua
‘Upu a‘e ka mana‘o e ki‘i hou e ‘ako
‘A‘ohe kani leo nā manu o ‘Ōla‘a
Ua la‘ahia au me ka kuhi hewa

Ua waiho aku au i kahi lei, ua mae
I hō‘ailona nou e ‘ike iho ai
He ‘u‘a kēia ua hiki mai nei
Ke ahu mai nei ka meheu hele hewa

‘A‘ole no ku‘u ‘ike ‘ana i ka nani
Wau a‘e ka‘ena wale a‘e ai
He maka‘u nui ko‘u pulu i ka ua
O ‘elo‘elo ho‘i a loa‘a i ke anu

Source: Song Contest 2023 program