Maikaʻi Waimea

Maika‘i Waimea i ka uka
Kilakila kelakela i ka la‘i
Nā pu‘u kinikini lehulehu
‘Olu‘olu ka mana‘o ke ‘ike

Hui:
Ke kokolo e mai ke anu
Hu‘ihu‘i konikoni i ka ‘ili
‘Ōlala i ka lā a me ke ahi
Pumehana nēia ‘āina

Waimea i ka ua o ka Pa‘ahoa
Kāhiko i ka luna o Ka‘ala
Kuahiwi ‘alo anu o Waimea
‘Ohu‘ohu i ke oho o ka palai

Ka waiho la‘i mai o Pu‘ukapu
Me ka wai koe lihilihi o Waihaka
I ka ne‘e a ka ua Kīpu‘upu‘u
Me ka hau‘oki a‘o ka nahele

Source: Song Contest 2023 program