About the Song
- Performed at Song Contest 2008
- Directed by Sienna Achong
- Composed by Kainani Kahaunaele
- Arranged by Herbert Mahelona
- Scored 164/204 points
- Performed 3rd of 3 songs
Lyrics
ʻO ka hīnano o Puna kuʻu liʻa
E lauwiliwili ai ka ʻiʻini
Nipo ninipo hoʻi i ke aloha
Ka lehua haʻalewa lā i ke kai
ʻO ke kai nehe mai i ka uluhala
E hoʻohenoheno nei i kuʻu nui kino
No Puna ka makani Moaniʻala
E halihali ana i kuʻu haʻehaʻe
ʻEnaʻena Puna i ke ahi a Pele
ʻUʻina lā ka huaʻina i Puʻu ʻŌʻō
Puʻō ke ahi lapalapa i luna
Punohunohu i ke ano ahiahi
Haʻina ʻia mai ana ka puana
No ka hīnano o Puna paia ʻala
Haʻina hou mai ana ka puana
No ka hoa lūlana moe i ke ala
Source: Song Contest 2008 program
Something doesn't look right? Any missing info to share? Get in touch